- 582 -

1428. Febr. 14. o. O.

Petrus Stobechen, Meister und Gebietiger des Ordens der Kreuzträger mit dem Stern bestätigt eine Zinsentschädigung der Stadt Liegnitz an das liegnitzer Hospital von St. Nicolaus.

In gotis namen amen. Wir brudir Petrus Stobechen, meistir vnde gebyteger dez ordens der crewczetreger mit dem sterne, bekennen offentlichen in desem brife allen dehen, dy en sehen adir horen lezen, daz vor vns komen ist vnsir geystlichir brudir in gote Ludwicus Beckensloer, comptir vor Legenicz vnde hat vns vorgelehet, wy das haws vor Legenicz czu sintte Nyclos gehabit hath eyne halbe mark erbliches czinsis uf einer schewnen, gelegen vor dem Breslisschen thore an vnsirs hern bisschofs garten, dyselbe halbe mark czins der erbar roth der stat Legenicz vnserim hawse vnde comptur doselbist, alle ior vorczinst vnde vorricht hat erbarlich vnde vnuorczoglich, der dritte vyrdung gestanden hot of eyme howse neben der schewnen do Ekhart Lohestemper ynne gewonet hath, der auch dem comptir des hawsis czu sintte Nyclos alle iore gevallen ist; dy selben vorgenanten erben, schewne vnde haws mit den dreien vyrdungen czinsis hoth der erbar roth mit wissen vnde mit willen der ganczen stad vnde gemeyne vnde durch er allir fromen vnde durch groser notdorft vnde besserunge der stad Legenicz vorwechsilt vnde gegebin hoth vnserem hirn, dem bysschofe an andirn erben, vnde daz ist der irbar roth czu Legnicz mit der ganczen gemeynen eyne wurden vnde haben got angesehen, in deme alle gerechtekeit leyt, vnde wolden noch wellen vnsir armes haws vor Legenicz czu zantte Nyclos nicht czuschaden brengen noch am schaden lossen, sundir haben vnsirn vorgenanten brudir Ludwico, compthir dez vorgenanten hawsis von dez hawsis wegen vor dy drey vyrdunge czins geben seben mark grosschen gengir vnde gemeyner moncze vnde czal, vnde vnsir brudir obgenantir comptir auch dasselbe geld gancz vnde gar an dez vorgenanten hawsis nocz vnde vromen gewant hoth, zundirlichen schulde dez hawsis domethe gegolden hoth, vnde daz hoth vns vnsir vorgenantir brudir Ludwig demuteclichen gebethen vnsir gunst vnde willen dorczu czuthuen vnde das sey wir brudir vorgenantir brudir Petrus Stobechen meister eyne worden mit vnseren eldesten brudirn dez ordins vnd haben vnserim vorgenanten comptir daz geld gegunst czu nemen vor dy drey vyrdunge czins, vnde globe mit allen meynen nochkomelingen meistirn vnde compthirn vor Legenicz, den vorgenanten rath vnde gemeyne der stad Legenicz noch ir nochkomelinge nymmer ewiklichen anczulangin vm dy vorgeschreben drey vyrdunge czins, sundir sye gancz vnde gar geqweit sagen. Auch welle wir vorgenantir meistir mit vnsirn nochkomelingen, also vorgeschreben steet, ab keyn briff adir briue wurde adir wurden funden obir dy vorgenanten drey vyrdungen czins, das der adir dy keyne craft noch macht sal noch sullen haben. Czu geczewgnisse habe wir an desen briff lossen hengen daz segil vnsirs amachts der meistereie vnde auch des hawsis vor Legenicz. Noch gotis geburth tawsunt vyrhundirt iar in dem achten vnde czwenczegisten iare an sintte Valentinen tag des merteres.

O. d. St. L. No. 326. An Pergamentstreifen beide Siegel von dunklem Wachs.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866